СУМЫН ИРГЭДИЙН ТӨЛӨӨЛӨГЧДИЙН ХУРЛЫН АНХДУГААР ХУРАЛДААН ЭХЭЛЛЭЭ.
Аймаг, нийслэл, сум, дүүргийн Иргэдийн Төлөөлөгчдийн хурлын Төлөөлөгчдийг сонгох 2024 оны ээлжит сонгуулийн үр дүнд бий болсон Дэлгэрхаан сумын Иргэдийн Төлөөлөгчдийн хурал өнөөдөр буюу 2024 оны 10 дугаар сарын 31-ний өдөр Анхдугаар хуралдаанаа ЗДТГ-ын иргэний танхимд 100 хувийн ирцтэй эхэллээ.
Монгол улсын Засаг захиргаа, нутаг дэвсгэрийн нэгж, түүний удирдлагын тухай хуульд заасны дагуу сонгогдсон төлөөлөгчдөөс насаар хамгийн ахмад Д.Мягмар удирдан явуулж байна.
Хуралдааны эхэнд Дэлгэрхаан сумын сонгуулийн хорооны дарга А.Цэдэн-Иш, нарийн бичгийн дарга Д.Лхагва нар ээлжит сонгуулийн дүн, сонгогдсон төлөөлөгчдийн бүрэн эрхийг хүлээн зөвшөөрүүлэх тухай тогтоолыг танилцуулав.
Сумын Иргэдийн Төлөөлөгчдийн Хурлын #Төлөөлөгчдийн бүрэн эрхийг баталгаажуулах тухай
Намын бүлэг бүртгэх тухай
Сумын Иргэдийн Төлөөлөгчдийн Хурлын даргыг батлах тухай
Сумын Иргэдийн Төлөөлөгчдийн Хурлын зөвлөлийг шинэчлэн байгуулах тухай
Хурлын хороод байгуулах тухай
Сумын Засаг даргад нэр дэвшүүлэх тухай асуудлуудыг хэлэлцэн батална.
